Друштво за управување со станбени згради ХАБИДОМ дооел Скопје

Трговското друштво за управување на станбени згради Хабидом објавува повик за пријавување на квалификувани и мотивирани кандидати за позицијата:

ДИРЕКТОР НА ХАБИДОМ

Хабидом ДООЕЛ (www.habidom.mk) е трговско друштво за управување на станбени згради, основано и во целосна сопственост на Хабитат Македонија.

Хабитат Македонија (www.habitat.org.mk) е дел од мрежата Habitat for Humanity International (www.habitat.org), меѓународна непрофитна организација која работи на унапредување на условите за домување за лица и семејства со ниски приходи.

Делокругот на работа, потребните квалификации и вештини за огласената позиција вклучуваат:

Надлежности според Изјавата за основање на Хабидом ДООЕЛ	Директорот го застапува и преставува друштвото во внатрешниот и надворешниот промет и ги презема сите акти и дејствија во интерес на друштвото.
Опис на работното место според Правилникот за внатрешна организација и систематизација на работните места на Хабидом ДООЕЛ	Директорот раководи и е одговорен за целокупната работа на Друштвото, а посебно е одговорен за: Застапување на Друштвото во правниот промет и преземање мерки и дејствија во име и за сметка на Друштвото согласно интерните акти Правилна примена на прописите, општите акти, усвоените спогодби и договори Организација на седниците и извршување на одлуките на Управен одбор на Здружението за хумано домување Хабитат Македонија – Скопје Следење и координација на заклучоците на Надзорниот одбор на Друштвото Стратегиско и оперативно планирање и извршување на активностите Тековно/редовно и вонредно известување за резултатите и активностите пред Надзорниот одбор на Друштвото Годишно известување за резултатите и активностите пред Управниот одбор на Здружението за хумано домување Хабитат Македонија – Скопје Идентификација на стратегиски партнери и поддржувачи, вклучувајќи стратегиски развој на ресурси Стратегиска координација со раководствата на партнерските организации Потпишување на сметките на Друштвото Реализација на финансискиот план Правилна употреба на средствата на Друштвото Тековно/редовно и вонредно финансиско известување на Надзорниот одбор и координација и/или обезбедување редовни/тековни и вонредни извештаи кон Надзорниот одбор на Друштвото Подготвување годишен план и буџет, вклучувајќи надзор и координација над оперативното планирање Следење на тековното остварување наспроти планот, вклучувајќи и надзор над перформансите на заедничките фондови и самостојните програми и проекти Надзор над програмската база на податоци на Друштвото Претставување/презентација на целите/визија на Друштвото со потенцијални клиенти/претставници на станбените згради
Потребни квалификации според Правилникот за внатрешна организација и систематизација на работните места на Хабидом ДООЕЛ	Најмалку високо образование, постдипломски студии ќе се сметаат за предност Најмалку 5 години работно искуство, од кои најмалку 2 години на раководни позиции. Искуство во областа на домување ќе се смета за предност Одлично познавање на англиски јазик Познавање на програмски пакет Microsoft Office
Очекувани вештини и квалитети, согласно препорака на Управниот одбор на Хабитат Македонија	Лидерство и мотивираност Познавање на спецификите на секторот Претприемачки дух Личен и професионален интегритет Способност за финансиско расудување Способност за градење релации Агилност и адаптибилност Ефективно комуницирање

Од кандидатите кои ги имаат потребните квалификации и поседуваат поголем дел од препорачаните вештини и квалитети, се очекува да приложат:

Биографија, со вклучени резултати постигнати на претходните позиции и контакти за препораки од претходен работодател

Мотивациско писмо, со сопствено разбирање на мисијата на Хабитат Македонија и дејноста на Хабидом ДООЕЛ

За подготовка на прилозите, на кандидатите им се достапни наредните документи на Хабидом ДООЕЛ:

Годишен извештај за 2024 г.

Потребните документи треба да се достават најдоцна до 15 мај 2026 година на адресата: habidom@habidom.mk

Селекцијата ќе се изврши преку постапка која ќе вклучи оценка на поднесените документи и интервју.

Од кандидатите кои ќе влезат во потесен избор ќе се побара да поднесат и презентираат деловен план, според формат кој ќе биде дополнително приложен.

За подготовка на деловниот план, на кандидатите кои ќе влезат во потесен избор ќе им бидат достапни наредните документи на Хабитат Македонија:

Стратегиски план на Хабитат Македонија за периодот 2026-2030 г.

За резултатите од оценката на поднесените документи ќе бидат известени само кандидатите селектирани за понатамошниот тек на постапката.

Преземи повик

Преземи Годишен извештај за 2024